Developing Relationship and Data Modelling
ဤစာမျက်နှာတွင်ပါဝင်သည့် ခေါင်းစဉ်များ
2.2 Table အမျိုးအစား သတ်မှတ်ချက်များ
Fact Table
Fact Table ဆိုသည်မှာ Analyze ပြုလုပ်တွက်ချက်မည့် ကိန်းဂဏန်းများရှိသည့် Table ကို ရည်ညွှန်းသည်။ အထက်ဖော်ပြပါဥပမာတွင် Sale Table အား Fact Table အဖြစ်သတ်မှတ် ယူဆနိုင်သည်။ ရောင်းသည့် အရေအတွက်၊ ရောင်းငွေပမာဏများသည် Analyze ပြုလုပ်ရမည့် တန်ဖိုးများဖြစ်ပါသည်။
Sale Table တစ်ခုတွင် Product တစ်ခုကို ထပ်ခါ ထပ်ခါဝယ်ယူမည် ဖြစ်သည့်အတွက် Product ID တစ်ခုသည် Sale Table တွင် ထပ်ခါ ထပ်ခါ ပါဝင်နေနိုင်မည် ဖြစ်ပါသည်။ ထို့အတူ Customer တစ်ဦးသည်လည်း ထပ်ခါ ထပ်ခါ ဝယ်ယူနိုင်ခြင်းကြောင့် Sale Table တွင် Customer ID သည်လည်း ထပ်ခါ ထပ်ခါ ပါဝင်နေနိုင်မည် ဖြစ်ပါသည်။
ထိုကဲ့သို့ Product များ၊ Customer များ ထပ်ခါ ထပ်ခါ ပါဝင်နေခြင်းကြောင့် Fact Table အား Many-Side Table ဟုလည်း သတ်မှတ် ခေါ်ဆိုလေ့ရှိသည်။
ဆက်လက်လေ့လာရမည့် သင်ခန်းစာ
Dimension Table
Dimension Table အား Lookup Table (သို့မဟုတ်) RELATED Table ဟုလည်း ခေါ်ဆိုလေ့ရှိသည်။ Fact Table တွင် ထပ်ခါ ထပ်ခါ ထည့်သွင်းထားသည့် တန်ဖိုးများ၏ အချက်အလက်အသေးစိတ်ကို Dimension Table တွင် လာရောက်ရှာဖွေ ရယူခြင်းကြောင့် Lookup Table (သို့မဟုတ်) RELATED Table ဟု ခေါ်ဆိုခြင်း ဖြစ်သည်။
အထက်ဖော်ပြပါဥပမာတွင် Product Table အား Dimension Table အဖြစ် သတ်မှတ်နိုင်သည်။
အထူးသတိပြုရန်မှာ Fact Table တွင် Product အမျိုးအစားတစ်ခုသည် ထပ်ခါထပ်ခါ ပါနေနိုင်သော်လည်း Dimension (or) Lookup Table တွင် တစ်ကြိမ်သာပါရမည် ဖြစ်ပါသည်။ ထို့ကြောင့် Dimension Table အား One-Side Table ဟုလည်း သတ်မှတ်ခေါ်ဆိုနိုင်ပါသည်။
Bridge tables
Bridge Table မှာ အသုံးပြုမှု နည်းပါသော်လည်း Many-to-Many Relationship များတွင် လွန်စွာ အရေးပါသည့် Table အမျိုးအစားဖြစ်ပါသည်။ သာမန်အားဖြင့် Fact Table နှင့် Dimension Table ကိုသာ သုံးလေ့ရှိပြီး ရှုပ်ထွေးသည့် တွက်ချက်မှုများ ပြုလုပ်ည့်အခါတွင်မှ Bridge Table ကို တည်ဆောက် အသုံးပြုလေ့ရှိပါသည်။ Bridge Table အကြောင်းကို Many-to-Many Relationship သင်ခန်းစာတွင် အသေးစိတ်ထပ်မံလေ့လာမည် ဖြစ်ပါသည်။
အထက်တွင်ဖော်ပြခဲ့သည့် ဥပမာကို ပြန်ကောက်သော် Sale Table များကို Fact Table ဟုခေါ်ဆိုပြီး Product Table ကို Dimension Table ဟု သတ်မှတ်ခေါ်ဆိုနိုင်မည် ဖြစ်သည်။
ထို့ကြောင့် Pivot Table တွင် Relationship ချိတ်ဆက်သည့် Box တွင် ပထမ အပေါ် Table နေရာတွင် Fact Table ကို ရွေးချယ်ရမည်ဖြစ်ပြီး ဒုတိယ အောက်မှ RELATED Table နေရာတွင် Dimension Table ကို ရွေးချယ်ရမည်ဖြစ်ပါသည်။
