Power Query စတင်အသု ံးပြုခြင်း
ဤစာမျက်နှာတွင်ပါဝင်သည့် ခေါင်းစဉ်များ
ပိုမိုကောင်းမွန်သည့် အချက်မှာ Data များကို ချိတ်ဆက်၊ ပြောင်းလဲ၊ ပေါင်းစည်းခြင်းများကို ထပ်ခါ ထပ်ခါ ပြုလုပ်နေရန်မလိုအပ်ပဲ တစ်ကြိမ်ဆောင်ရွက်ပြီးသည်နှင့် နောက်ထပ်တစ်ကြိမ်ဆောင်ရွက်လိုလျင် Click တစ်ချက်နှိပ်ရုံဖြင့် ဆောင်ရွက်နိုင်ခြင်းဖြစ်သည်။
ထိုသို့ဆောင်ရွက်နိုင်ရန် မိမိတို့ပြုလုပ်သည့် အဆင့် တစ်ဆင့်ချင်းစီအတွက် Power Query မှ Code များကို နောက်ကွယ်မှ အလိုအလျောက် ရေးသား ပေးသွားမည်ဖြစ်ပါသည်။ ဆောင်ရွက်ပြီးခဲ့သည့် အဆင့် များကို နောက်တစ်ကြိမ် ဆောင်ရွက်လိုလျင် ရရှိထားသည့် Code များကို နောက်တစ်ကြိမ် Run ရုံသာ ဖြစ်သည်။
Excel တွင် လုပ်ကိုင် ဆောင်ရွက်ချက်များကို VBA Code များအဖြစ် ရရှိလိုပါက Macro Recording အသုံးပြုစေခိုင်ပြီး နောင်တွင် ထိုဆောင်ရွက်ချက်များ ပြန်လည်ဆောင်ရွက်လိုပါက ရရှိထားသည့် VBA Code ကို ပြန်လည် Run ခြင်းနှင့် ဆင်တူသည်။ သို့ရာတွင် Power Query ၌ Recording ဖမ်းယူရန် မလိုအပ်ပဲ လုပ်ဆောင်သည့် အဆင့် တစ်ခုခြင်းစီတိုင်းအတွက် Code များ အလိုအလျောက်ရေးသားပေး နေမည် ဖြစ်သည်။ ထို Code များကို Power Query ၏ Formula Language ဖြစ်သည့် “M” ကို အသုံးပြု ရေးသားထားခြင်းဖြစ်သည်။
Data များကို သာမန် ပြုပြင်ပြောင်းလဲမှုများသာ ဆောင်ရွက်လိုပါက M Language ကို ကျွမ်းကျင်ရန် မလိုအပ်ပဲ Power Query ၏ User Interface Tools များ အသုံးပြု၍ ဆောင်ရွက်နိုင်သည်။ သို့သော် ခက်ခဲ ရှုပ်ထွေးသည့် ပြုပြင် ပြောင်းလဲမှုများ ဆောင်ရွက်လိုပါက M Language ကို နားလည် ကျွမ်းကျင်ခြင်း သည် များစွာ အကျိုးရှိစေမည် ဖြစ်ပါသည်။
Power Query သည် Excel 2016 နှင့် 2019 Version များတွင် Built-in Feature အနေဖြင့် ပါဝင်လာပြီ ဖြစ်သည့်အတွက် သီးခြား Add-in ထည့်သွင်းရန်မလိုအပ်ပါ။ သို့သော် Excel 2010 နှင့် 2013 တွင် အသုံးပြုရန်အတွက် သီးခြား Add-in ထည့်သွင်းရမည်ဖြစ်ပါသည်။ Add-in ကို အောက်ပါ Link တွင် ရယူနိုင်သည်။
Download ရယူထားသည့် Add-in ကို Install ပြုလုပ်ရမည်ဖြစ်ပြီး Install ပြုလုပ်ပြီးသည့်နောက် Excel Menu Bar တွင် Power Query Tab ကို မြင်တွေ့ရမည်ဖြစ်သည်။ အကယ်၍ မမြင်တွေ့ရပါက File > Option > Add-ins > COM Add-ins > Go အဆင့်ဆင့်သွားပြီး Add-in Box ပေါ်လာသည့်အခါ Power Query အမည်ဘေးနားရှိ Check Box အား အမှန်ခြစ်ပေးရမည် ဖြစ်ပါသည်။
1.2 Power Query ထည့်သွင်းခြင်း
ဆက်လက်လေ့လာရမည့် သင်ခန်းစာ
Power Query သည် Microsoft Excel 2010 နှင့် အထက် Version များနှင့် Power BI Desktop တို့တွင် အခမဲ့ အသုံးပြုနိုင်သည့် Power BI ၏ အစွမ်းထက် Tool တစ်ခုဖြစ်သည်။ Power Query ကို အသုံးပြု၍ Source အသီးသီးတွင်ရှိသော Data များကို အလွယ်တကူချိတ်ဆက် ရယူနိုင်သည့် အပြင် ရရှိလာသည့် Raw Data များကို Analysis ပြုလုပ်ရန် အဆင်သင့်ဖြစ်စေရန်အတွက် လိုအပ်သကဲ့သို့ ကိုင်တွယ်၊ ပြောင်းလဲ၊ ပေါင်းစပ်ခြင်းများ ပြုလိုက်နိုင်သည်။
Data များကို ချိတ်ဆက်ရယူရာတွင် Access, Excel, Text File, CSV စသည့် အသုံးပြုများသည့် ဖိုင် အမျိုးအစားများအပြင် Database စနစ်အားလုံးနီးပါးမှ (ဥပမာ Hadoop Distributed File System (HDFS) ,IBM DB2, MySQL, OData feeds , etc ) ချိတ်ဆက်ရယူနိုင်သည်။ ထို့အပြင် Wikipedia, Microsoft Azure Marketplace, Facebook စသည့် Web မှ ဒေတာများကိုလည်း အချိန်နှင့် တပြေးညီ ချိတ်ဆက်ရယူနိုင်သည်။
ချိတ်ဆက်ရယူထားသည့် ဒေတာများမှ မလိုအပ်သည်များကို ဖယ်ရှားခြင်း၊ Data သိမ်းဆည်းသည့် ပုံစံများ ပြုပြင်ပြောင်းလဲခြင်း၊ Data များ အား တစုတစည်းထဲ ဖြစ်စေရန် လိုအပ်သလို ပေါင်းစည်းခြင်း ( Merge & Append ) များကို လွယ်ကူစွာ ဆောင်ရွက်နိုင်သည်။
1.1 Power Query မိတ်ဆက်
